Shërbimi Spitalor Klinik dhe Univeristar i Kosovës bën të ditur se nga sot është rikthyer në punë Shërbimi i Radioterapisë- Akseleratori për Rrezatim si dhe Shërbimi i Brahiterapisë, Ct- Stimulatori dhe Mozaiku, në kuadër të Klinikës së Onkologjisë në QKUK.
Në njoftimin e lëshuar thuhet se rikthimi i këtyre shërbimeve është bërë, pas përpjekjeve maksimale nga stafi i Klinikës së Onkologjisë, Sektori Teknik i QKUK-së dhe kompania që ka nën mirëmbajtje dhe servisim aparaturat mjekësore.
"Pjesa e parë e pacientëve kanë kryer radioterapinë gjatë ditës së sotme, kurse pacientët tjerë do të thirren gradualisht. Para fillimit të punës, është bërë dezinfektimi dhe dezinsektimi i hapësirave".
"ShSKUK falënderon Ministrinë e Shëndetësisë së Republikës së Shqipërisë, e cila ka qenë në kontakt të vazhdueshëm me Ministrinë e Shëndetësisë së Republikës së Kosovës për situatën e krijuar, dhe ka shprehur gatishmërinë për të ndihmuar pacientët kosovarë, që kanë pasur nevojë për Shërbimin e Radioterapisë", thuhet në njoftimin e ShSKUK-së.
Ditë më parë, Klan Kosova e kishte përgatitur një storje lidhur me pajisjet e kësaj klinike.
https://www.youtube.com/watch?v=Uoyu7KP8nWs&t=1s
●●●
LGSHKRIMI NGA
L. Ga.
Editorial nga Klan Kosova — ndjek lajme dhe zhvillimet e tjera kryesore të vendit.
