Prokuroria Speciale e Kosovës ka bërë kërkesë për caktimin e masës së paraburgimit ndaj shtatë personave që u arrestuan gjatë ditës së djeshme në Prishtinë dhe Pejë, në kuadër të operacionit "Qielli i thyer".
Kjo u konfirmua për Klankosova.tv nga zëdhënësja e PSRK-së Arbnora Luta.
"Ne e kemi bërë kërkesën për caktimin e masës së paraburgimit dhe do ta dorëzojmë sot", deklaroi ajo.
Klankosova.tv mëson se sot seanca dëgjimore ndaj të pandehurve është caktuar nga ora 13:00.
Ata dyshohen për veprat penale "pjesëmarrja ose organizimi i grupit kriminal të organizuar", "blerja, posedimi, shpërndarja dhe shitja e paautorizuar e narkotikëve" si dhe pastrimi i parave.
Lidhur me rastin Klankosova.tv ka raportuar edhe ditën e djeshme.
https://klankosova.tv/aksioni-i-dyte-qielli-i-thyer-shtate-persona-te-nje-grupi-kriminal-u-kapen-nga-prokuroria-spe1ciale/
●●●
ASHKRIMI NGA
albert
Editorial nga Klan Kosova — ndjek lajme dhe zhvillimet e tjera kryesore të vendit.
