Shtatëvjeçari notoi një orë për të shpëtuar babanë dhe motrën që ishin bllokuar në lumë

Një djalë shtatë vjeçar në Florida, po vlerësohet si një hero pasi ai notoi në breg për të marrë ndihmë, kur motra dhe babai i tij mbetën të bllokuar në lumë. Steven Poust tha se ai ankoroi varkën e tij në lumin St. Johns në Jacksonville, Florida, duke i lënë dy fëmijët e tij, Chase 7 vjeçar dhe Abigail 4 vjeçar të notonin. Krejt papritur Abigail e cila zakonisht rri në pjesën e pasme të anijes, i’u desh të lëshohej pasi që rryma ishte aq e fortë, tha Chase. 7 vjeçari vendosi të lëshohej gjithashtu në mënyrë që të përpiqej ta mbante atë të mos shkonte, por më pas ai ngeci. Poust u hodh nga varka për t'i ndihmuar dhe i tha Chase që të notonte në breg ndërsa përpiqej të arrinte vajzën e tij. Djaloshit iu desh një orë për të arritur në breg. Ai i tha për CNN se ai notonte në shpinë që të mos lodhej. Kur arriti në tokë ai vrapoi në shtëpinë më të afërt për ndihmë. Ndërkohë, babai dhe motra e tij u larguan rreth një milje e gjysmë deri në dy milje larg vendndodhjes së anijes, sipas Departamentit të Shpëtimit dhe Zjarrit në Jacksonville. "Kishim çdo burim që të mund të vinin shpejt dhe jemi të lumtur të themi që të tre janë rikuperuar, dhe të tre po bëjnë mirë. Ne nuk mund të kërkonim rezultat më të mirë", thuhet tutje, shkruan CNN, transmeton Klankosova.tv.