Zëdhënësja e Shtëpisë së Bardhë,
Carolina Leavitt, tha sot se skanimi i fundit me rezonancë magnetike (MRI) i Donald Trump ishte i natyrës parandaluese dhe zbuloi se presidenti është në gjendje të mirë kardiovaskulare.
Në një konferencë për shtyp në Shtëpinë e Bardhë, Leavitt tha se burrat në moshën e Trump përfitojnë nga ekzaminime të tilla, transmeton Klankosova.tv
"Imazhet kardiovaskulare të Presidentit Trump treguan një pamje krejtësisht normale, asnjë provë të ngushtimit të arterieve, uljes së rrjedhjes së gjakut ose anomalive në zemër ose në enët kryesore të gjakut", tha Leavitt për presidentin 79-vjeçar.
"Dhomat e zemrës janë me madhësi normale. Muret e enëve të gjakut duken të lëmuara dhe të shëndetshme dhe nuk ka shenja inflamacioni ose mpiksjeje. Në përgjithësi, sistemi i tij kardiovaskular tregon shëndet të shkëlqyer. Skanimet e barkut janë gjithashtu krejtësisht normale", tha Leavitt./ Klankosova.tv ●●●
VZSHKRIMI NGA
Vanesa Zhugolli
Editorial nga Klan Kosova — ndjek lajme dhe zhvillimet e tjera kryesore të vendit.
