Shtëpia e Bardhë reagon për batutën e Ramës me Macron dhe Aliyev për Presidentin Trump

Shtëpia e Bardhë ka reaguar pas batutës së kryeministrit të Shqipërisë, Edi Rama për presidentin Donald Trump, një shaka e bërë në praninë e presidentit të Francës, Macron dhe Presidentit të Azerbajxhanit, Aliyev. Pyetur nga gazetari i Top News Xhoi Malësia nëse komentet e Rames janë marrë në kontekst negativ ose ndikojnë në marrëdhëniet dypalëshe, Nënsekretarja e Shtypit në Shtëpinë e Bardhë, Anna Kelly, dha përgjigje krejtësisht diplomatike. “Presidenti Trump ka bërë më shumë për stabilitetin global, se sa çdo lider tjetër në botë!”, transmeton Klankosova.tv. Batuta e Ramës në prani të dy lidereve të tjerë u përshkruan si ‘tallëse’ nga disa prej mediumeve më prestigjioze të botes, por ishte vetë Kryeministri i cili përgënjeshtroi duke thënë se një moment gazmor është tjetërsuar me qëllime dashakeqe. Vetë Rama përmendi gjithashtu rendimentin pozitiv të Trump për t’u angazhuar në zgjidhjen e konflikteve.