Shteti i shkel komunitetet, festivali i mbron (VIDEO)

Paragjykimet që iu bëhen komuniteteve në Kosovë, po tentohet të hiqen përmes një festivali multikulturor, që sivjet shënon edicionin e 5-të. Qëllimi i këtij festivali është ngritja e vetëdijes rreth sfidave që kalojnë romët, ashkalinjtë e egjiptasit e Kosovës, raporton Klan Kosova. Aty të enjten u bë thirrje për bashkëpunim me njëri-tjetrin, derisa u tha se më së shumti dallime vërehen në aspektin arsimor, meqë, sidomos vajzat e komuniteteve nuk e vazhdojnë shkollimin, derisa punësimi i tyre është në nivel poashtu të ulët. “Besojmë në një botë që është pasuruar me diversitet dhe një botë që duhet të jetë më e pasur për gjithë neve”, tha Isak Skënderi, drejtor i organizatës “Zëri i Romëve, Ashkalinjëve dhe Egjiptasve”. Festivali që ofron muzikë, shfaqje artistike, ushqim e veshje, do të mbahet edhe në disa komuna tjera. https://www.youtube.com/watch?v=wAwaFk11QCo