“Shteti i vogël, mund të ketë zë të madh” - Krejt çka tha Osmani në adresimin e fundit si presidente (VIDEO)

Vjosa Osmani në adresimin e fundit si presidente e vendit falënderoi qytetarët për besimin dhe tregoi të arriturat e saj si e para e vendit në përfaqësimin diplomatik të vendit. Osmani deklaroi se si prioritet i saj ishte ta mbroj interesin e Kosovës, raporton Klankosova.tv. Ajo mes tjerash tha se Kosova është e pathyeshme dhe nuk dorëzohet kurrë. "Dhe nëse ka një gjë që kam mësuar nga ju, është kjo: që Kosova nuk është e fortë vetëm kur fiton, por është e pathyeshme sepse nuk dorëzohet kurrë". Ajo veçoi si arritje kyçe sigurimin e njohjeve të reja ndërkombëtare dhe liberalizimin e vizave me Bashkimi Evropian, duke e cilësuar këtë si një hap të rëndësishëm për qytetarët e vendit. “ Duke i përparuar ndjeshëm raportet me vendet e tjera, deri dje hezituese për të krijuar raporte me vendin tonë; duke hapur perspektiva të reja marrëdhëniesh politike me shumë vende të tjera gjithandej rruzullit tokësor, në këto 5 vjet kemi dëshmuar se edhe një shtet i vogël mund të ketë zë të madh”. Si një ish-komandate supreme e Ushtrisë së Kosovës, Osmani iu la porosi ushtarakëve të vendit. Osmani kishte këshillë edhe për pasardhësin e saj, duke ia kujtuar se puna si presidente është punë me përgjegjësi të lartë. Në fund ajo falënderoi, qytetarët për mbështetjen, familjen e stafin presidencial më të cilët punoi rrafsh 5 vjet. Detajet në kronikën e përgatitur nga Klan Kosova: https://www.youtube.com/watch?v=6UtRW-8rIOY https://klankosova.tv/fjalimi-permbylles-i-mandatit-te-presidentes-osmani-kosova-e-pathyeshme-nuk-dorezohet-kurre-video-11/