Gjysma e sallës së Kuvendit mbeti e zbrazur, e as në pjesën tjetër s’pati shumë qytetarë. Këndej u ul personeli mjekësor që erdhi në dëgjimin publik të Komunës së Prishtinës rreth QMF e QKMF së kryeqytetit.
Andaj edhe shumë pyetje rreth temës nuk pati. Situatë tjetër qe një ditë më pas kur konsulta publike mbahej për Kryetarët e Bashkësive lokale të lagjeve dhe fshatrave të qytetit, raporton Ju Flet Prishtina.
Këtu përpos përfaqësuesve të bashkësive erdhën edhe qytetarë. Njëri nga ta tha se kjo është hera e parë që merr pjesë në diskutim publik, pasi që tashmë është në pension dhe ka më shumë kohë. Sefte në kësi konsulta erdhi edhe Osman Dragusha dhe kjo pasi u zgjodh përfaqësues i Bashkësisë Lokale të Prugocit.
Një pjesëmarrës u ankua se komunarët nuk po e zgjedhin orarin e duhur për dëgjime publike.
Në anën tjetër nga Komuna thonë se ka interesim të qytetarëve për dëgjime publike, porse kjo varet nga tema që diskutohet.
Osman Bllaca, Koordinator për Procesin e Diskutimit Publik, pohon se shpesh kryeqytetasit nuk parashtrojnë pyetje apo kërkesa, por vijnë ta ndjekin konsultën publike.
Derisa për tema të caktuara, siç ishte rregullorja për Prishtina Parking, diskutimi u mbajt për dy ditë dhe zgjati deri në 4 orë.
https://www.youtube.com/watch?v=c0xDJuXuB2A
●●●
BSHKRIMI NGA
BM
Editorial nga Klan Kosova — ndjek video lajme dhe zhvillimet e tjera kryesore të vendit.
