Si është situata me zjarret në Gramsh - flet gazetari nga vendi i ngjarjes (VIDEO)

Një situatë alarmante po shënohet në disa fshatra të Gramshit, në Shqipëri, ku zjarre të mëdha kanë përfshirë zona të gjera pyjore dhe shtëpi. Deri tani është konfirmuar vdekja e një personi, ndërsa raportohet se edhe një tjetër ka humbur jetën. Gazetari Sokol Demaj, duke raportuar nga vendi i ngjarjes në emisionin “Kosova Today”, tha se dëmet janë të mëdha dhe rreziku vazhdon të jetë i lartë. “Janë djegur komplet disa pjesë të fshatit, një pjesë tjetër është shkrumbuar. Janë me qindra hektarë që janë djegur, pyje të tëra dhe, sigurisht, banesat e këtyre fshatrave janë në rrezik. Janë me qindra zjarrfikës të angazhuar, por ka pasur edhe ndihmë nga Emiratet e Bashkuara”, deklaroi ai. Ndiqni detajet shtesë, në videon vijuese: https://youtu.be/DSx7mK-VqxM