Si një alfabet 1600-vjeçar i dha formë identitetit armen

Alfabeti armen nuk është thjesht një sistem shkrimi. Ai është gjithashtu një sistem numerik që përdoret për llogaritjet matematikore dhe regjistrimin e datave kalendarike, si dhe një pikë krenarie kombëtare. Statuja prej guri e gdhendur në mënyrë të përsosur e Mashtots qëndronte në hyrje, me duart e tij të ngritura në pozicionin e përjetshëm të një mjeshtri që i sqaronte një pikë dishepullit të tij – një statujë më të vogël guri – duke e dëgjuar me vëmendje atë. Mashtots e krijoi alfabetin në mënyrë që të mund të përdoret për të përkthyer Biblën në armenisht, shkruan BBC, transmeton Klankosova.tv. Mashtots krijoi alfabetin e tij të ri në një stil fonetik, kështu që ishte e lehtë për armenët të përshtateshin me formën e shkruar të një gjuhe që ata tashmë flisnin, shpjegoi Grigor Stepanian. “Shkronjat ishin të dizajnuara në forma shumë të veçanta, me karakter të pavarur, shumë të ndryshëm me shkronjat e gjuhëve të tjera të shkruara të kohës”, shtoi ai. Gjuha e tyre u dha kështu një identitet të ri armenëve. Gjatë 1500 viteve të ardhshme, alfabeti do të mbetej një pikë krenarie kombëtare në thelbin e identitetit kulturor armen, një emblemë solidariteti për tokën e shkatërruar nga lufta që pothuajse vazhdimisht u sundua dhe u kolonizua nga forcat e huaja - romakët, bizantinët, persët dhe turqit osmanë. Kjo sagë pothuajse e vazhdueshme dhe e pandërprerë e shtypjes dhe e nënshtrimit do të përfundonte më në fund në vitin 1991, kur regjimi 69-vjeçar sovjetik u shemb dhe Armenia u bë një republikë e pavarur.