Si të pushoni si një gjeni

Një mori efektesh jo të shëndetshme vjen nga ndenja bezdisëse se të gjithë duhet të ‘hakojmë jetën’ në arritjen e shëndetit, pasurisë dhe lumturisë. Moira Junge, CEO e Fondacionit Australian të Shëndetit të Gjumit, mendon se është koha që të fillojmë të pranojmë lodhjen që po na e shkakton jeta moderne.  Ajo thotë se njerëzit duhet të flenë nga ora 21:00, por që jeta e stërmbushur me streset dhe punët, e bënë këtë të pamundur. Junge këshillon në rastet kur keni fjetur më pak se shtatë orë, një sy gjumë gjatë ditës është më se i nevojshëm.  Kjo ka edhe benefitet e veta, pasi që mund të parandalojë tkurrjen e trurit. Ne kemi lindur për të fjetur Michael Breus, doktor, ekspert dhe autor i gjumit, shpjegon se një dremitje gjatë pasdites, ose një pushim i vogël, është praktikisht një e drejtë që nga lindja. Rritja e melatoninës që bëhet zakonisht nga ora 22:30, që të jep dëshirën për tu shtrirë, atë e përjetojmë edhe gjatë ditës më shpesh rreth orës 13:00 dhe 15:00. E kjo mund të rrisë disponimin, fuksionimin kognitiv, kujtesën, të menduarit kreativ dhe performancën fizike. Koha është gjithçka Ekzistojnë dy mënyra për të anashkaluar ndjenjën e rënse që ju kaplon kur zgjoheni në mëngjes dhe ankthin. Të bëni një sy gjumë të shkurtër ose shumë të gjatë. Caf-nap Junge tregon se nëse pini pije që kanë kafeinë në to dhe të flini për disa minuta e bën detyrën e saj. Kur kafeina godet trurin rreth gjysmë ore më vonë, ajo vepron si një alarm, ku bëni gjumë cilësor por nuk ju lë të bini në gjumë të thellë. Teknika e topit të çelikut Nëse ju duhet të fleni në ambiente jo të përshtatshme, dhe me kohë të caktuar, merrni një libër apo objekt më të rëndë në dorë, pasi që kur i’u zë gjumi i thellë ajo do i’u bie nga dora dhe do të prishë gjumin tuaj. Cikli i plotë Nëse nuk keni fjetur mirë gjatë natës, të fleni gjatë ditës për plotë 90 minuta mund t’ju ndihmojë shumë gjatë ditës. Junge tregon se dremitja gjatë ditës mund të jetë shumë efektive. Kauza e alarmit Nëse flini mjaftueshëm por përsëri nuk keni dëshirë të zgjoheni, ose rregullisht kërkoni të bini në gjumë gjatë ditës, ka gjasa që të jeni seriozisht të privuar nga gjumi ose mund të vuani nga një gjendje akute, si apena e gjumit, narkolepsia ose hipersomnolenca. Gjëja kryesore është, si ndiheni gjatë ditës? A ndiheni të freskët kur zgjoheni dhe a mund të qëndroni vigjilent për orët tuaja të zgjimit? Nëse jo, ndoshta nuk jeni duke fjetur mjaftueshëm. Koha kur biem në gjumë Junge thotë të bësh gjumë të mjaftueshëm mund të jetë sfiduese por duhet të arrihet. Ai sjell përfitime të shëndetit mendor dhe atij fizik. Ajo shton se dremitja freskon mendjen dhe trupin, na ndihmon të qëndrojmë më të angazhuar. Nga kjo nuk përfitojmë vetëm ne por edhe ata rreth nesh, pasi që na ndihmon të rregullojmë emocionet tona.