Simulohet në Drenas ushtrim për mbrojtje nga tërmeti (VIDEO)

Në komunën e Drenasit, të shtunën, u zhvillua një ushtrim simulativ për reagim emergjent në rast tërmeti. Kjo u bë me iniciativë të shoqatës së ngjitjes “Ketra”, e mbështetur nga komuna e Drenasit e shoqata për Kërkim Shpëtim e Kosovës. Në të përveç anëtarëve të shoqatës, morën pjesë edhe zyrtarët policor, zjarrfikësit e ekipet mjekësore. Këta të fundit deklaruan se ushtrimi iu ndihmoi në një përvojë se si në të ardhmen mund të reagojnë në një situatë të tillë. Derisa, nga komuna e Drenasit të cilët mbështetë aktivitetin premtuan se kështu do të veprojnë edhe në raste të tjera pasi organizime të tilla janë të domosdoshme për gjitha institucionet. Pak nga larg ngjarjen e panë edhe karabinerët italian, të cilët u bënë kuriozë të dinë se çka po zhvillohej n Drenas, për çka u informuan nga zyrtarët policor. https://www.youtube.com/watch?v=wd3uohJvdBM