Lajmet e fundit
Sharja mund të jetë një veprim i pavullnetshëm, dhe shpesh kalon vetëm në momentet e emocioneve të shtuara. Por një studim zbuloi se dikush që shan ka më shumë të ngjarë të jetë i pa filtruar, i sinqertë dhe më pak të ngjarë të censurojë veten.
Sharja e mallkimi mund të jetë dëshmi se një person po thotë mendimin e tij të sinqertë dhe nuk filtron veten ose pikëpamjet e tij, gjë që llogaritet si një tipar i vlefshëm për një mik. Ndonjëherë kemi nevojë për një mik që të na tregojë atë që duhet të dëgjojmë, e jo atë që duam të dëgjojmë.
Ata do t’ju japin këshilla të mençura
Shpesh supozohet se sa më shumë që një person shan, aq më pak inteligjent është, pasi supozohet se ka mungesë fjalori për të shprehur veten plotësisht. Një studim tregoi se sa më i rrjedhshëm të jetë një person në një gjuhë, aq më efektivisht ai përdor fjalët e shara për të përcjellë dhe artikuluar veten, dhe fjalori i tij është më i larmishëm dhe i gjerë.
Ata do të jenë pesona që mund t’i besoni
Për të sharat mes miqsh kërkohet një nivel i caktuar mbështetjeje që ajo që thuhet të mos largohet nga rrethi i besimit. Studimet e rasteve treguan se ekipet që punuan mirë së bashku ishin më komode për të bërë shaka me njëri-tjetrin, që përfshinte sharjen dhe të paturit e një niveli të caktuar besimi me njëri-tjetrin.
Sharjet mund të jetë të mira për ne
Në një studim, vullnetarëve iu kërkua të fusnin duart në ujë të ftohtë akulli në 2 raste të veçanta. Një herë ata mund të shanin sa të donin, dhe hërën tjetër ishin udhëzuar të përdornin një fjalë neutrale. Pjesëmarrësit ishin në gjendje ta përballonin më shumë dhimbjen kur ishin të lirë të shanin.
Kështu që herën tjetër kur të godasësh gishtin, të shkelësh një copë lodre "Lego" ose kur të godasësh ndonjë kockë trupi, jepi vetes leje që fjalët e sharjeve të fluturojnë - pasi kjo mund të ndihmojë në zvogëlimin e dhimbjes.
