“S’ka logjikë me fillu me vonesë”, Tahiri kërkon respektim të orarit të seancave

Shefi i Grupit Parlamentar të AAK-së, Besnik Tahiri, gjatë seancës së Kuvendit i është drejtuar kryetares së Kuvendit, Albulena Haxhiu, me kërkesë për respektim të orarit të fillimit të seancave. Tahiri theksoi se seancat duhet të nisin në kohën e përcaktuar dhe jo me vonesë, transmeton Klankosova.tv. “E kam një kërkesë për ju si udhëheqëse e këtij institucioni, (Albulena Haxhiu) që kur të thirret seanca në ora 10:00, të fillojë në ora 10:00. Të vjen kush të vjen, kryetarja duhet të jetë këtu, sepse s’ka logjikë ora është tash 11:00 dhe seanca ka pas me nis në ora 10:00. Me fillu një orë me vonesë nuk ka logjikë, nuk ka kuptim”, tha Tahiri.