Kryetarja Kuvendit, Albulena Haxhiu, dhe shefja e grupit parlamentar të Lëvizjes Vetëvendosje, Arbërie Nagavci, kanë lexuar një nga një shkrimet në ekspozitën e diskutueshme për masakrat në Kosovë, pa e vërejtur asnjë gabim, pavarësisht se përmbajtja ka shkaktuar shumë reagime për deformimin e historisë.
Institucioni që drejton Haxhiu ka qenë financues i kësaj ekspozite, që ka ngritur shqetësime për pasaktësitë dhe ofendimet ndaj sakrificës kombëtare.
Në ditën e vizitës, më 24 mars, Haxhiu dhe kishte reaguar në rrjetin e social, Facebook, duke shkruar se çdo panel nga kjo ekspozitë rrëfen krime të rënda ndaj civilëve të pafajshëm shqiptarë.
"Ekspozita “Masakrat në Kosovë 1998–1999” Nuk është e lehtë të ecësh mes këtyre dëshmive, por është e domosdoshme për të kuptuar thellësinë e dhimbjes dhe padrejtësitë e përjetuara. Çdo panel rrëfen një krim të rëndë ndaj civilëve të pafajshëm shqiptarë, krime të kryera nga forcat serbe, dhe sjell para nesh një të vërtetë që nuk mund të fshihet apo të mohohet. Republika e Kosovës nuk do t’i harrojë kurrë krimet e luftës, krimet kundër njerëzimit dhe gjenocidin e kryer në Kosovë", kishte shkruar Haxhiu.
Reagime të forta kanë ardhur edhe nga figura të njohura të politikës dhe shoqërisë civile, si ish-ministri Hysen Durmishi, i cili e ka quajtur këtë ekspozitë si fyerje për ata që dhanë jetën për liri.
https://klankosova.tv/durmishi-gashi-u-perjashtua-nga-vetevendosje-per-deformim-te-historise-se-uck-se/
Ish-anëtarja e Këshillit të Lëvizjes Vetëvendosje, Mirjeta Durmishi, ka reaguar poashtu ashpër ndaj vizitave të bartësve të institucioneve shtetërore në ekspozitë që është financuar nga Ministria e Kulturës.
Ajo ka theksuar se këta individë e vizitojnë ekspozitën vetëm për të bërë foto dhe për të u krenuar me financimin e saj, pa u shqetësuar fare për përmbajtjen e pasaktë dhe ofenduese.
●●●
VZSHKRIMI NGA
Vanesa Zhugolli
Editorial nga Klan Kosova — ndjek lajme dhe zhvillimet e tjera kryesore të vendit.
