Skanimi mahnitës digjital i Titanikut zbulon anijen si kurrë më parë (FOTO)

Shkencëtarët kanë krijuar atë që ata e kanë quajtur një “binjak digjital” i anijes së pasagjerëve, e cila u mbyt në Atlantik në vitin 1912 pasi goditi një ajsberg gjatë udhëtimit të saj të parë nga Southampton në Nju Jork. Rreth 1,500 njerëz vdiqën në fundosje – e cila mbetet një nga fatkeqësitë më të mëdha të anijeve në historinë botërore, raporton “SkyNews”. Binjaku digjital i anijes së mbytur u krijua duke përdorur hartën në det të thellë të Titanikut të vërtetë, i cili shtrihet 3,800 m poshtë në Atlantik, transmeton Klankosova.tv. Është aq i detajuar sa që edhe numri i serisë në tehun e një prej helikave të anijes mund të identifikohet në imazhet 3D. Dhe ekspertët besojnë se kopja digjitale mund të përdoret nga shkencëtarët për të gjetur detaje të reja rreth mënyrës se si u fundos anija e pasagjerëve. Parks Stephenson, një ekspert i Titanikut që ka studiuar anijen për 20 vitet e fundit, e përshkroi projektin si një “ndryshues të vërtetë të lojës”. “Ajo që po shohim për herë të parë është një përshkrim i saktë dhe i vërtetë i të gjithë vendit të rrënojave dhe mbetjeve”, tha ai. “Po shoh detaje që askush prej nesh nuk i ka parë ndonjëherë më parë dhe kjo më lejon të ndërtoj gjithçka që kemi mësuar deri më sot dhe t’i shoh rrënojat më mirë”. “Për gjeneratën e ardhshme të eksplorimit, kërkimit dhe analizës së Titanikut, ky është fillimi i një kapitulli të ri”, tha Stephenson. Binjaku digjital u krijua nga specialistët e ujërave të thella “Magellan” duke përdorur më shumë se 715,000 imazhe dhe pamje të plota video 4k të rrënojave, të cilat u morën duke përdorur dy zhytës – të quajtur Romeo dhe Juliet. Nëndetëset skicuan çdo milimetër të anijes së mbytur – e cila u nda në dy pjesë ndërsa u fundos – me detaje më të vogla. Ata gjithashtu skicuan edhe hapësirën e gjerë përreth rrënojave. Imazhet e mëparshme optike të anijes kanë qenë të kufizuara si pasojë e niveleve të ulëta të dritës dhe cilësisë shpesh të dobët e ujit rreth rrënojave. Gerhard Seiffert i “Magellan”, i cili udhëhoqi planifikimin për ekspeditën, tha se binjaku digjital i kompanisë ofron një “model fotorealist shumë të saktë 3D” të rrënojave. “Ky model do t’i lejojë njerëzit të zmadhojnë dhe të shikojnë të gjithë gjënë për herë të parë”, tha ai. “Ky është Titaniku siç askush nuk e kishte parë më parë”, deklaroi Seiffert. Richard Parkinson, themeluesi i Magellan, i përshkroi rezultatet e projektit të ekipit të tij si “të mahnitshme”. “Gjatë rrjedhës së projektit Titaniku vëllimi i të dhënave që kemi marrë ishte i madh – rreth 7150,000 imazhe dhe rreth 16 terrabajt të dhëna”, tha ai. “Ne besojmë se këto të dhëna janë afërsisht dhjetë herë më të mëdha se çdo model 3D nënujor që është provuar ndonjëherë më parë”. /Klankosova.tv Rrini të informuar mbi zhvillimet kryesore duke u bërë pjesë e komunitetit tonë në Viber BONUS: Merreni aplikacionin tonë në Android dhe iOS