Slloveni Prevc fiton “Turneun e Vitit të Ri” (VIDEO)

Peter Prevc nga Sllovenia është fitues i edicionit të 64 të “Turneut të Vitit të Ri” në kërcime me ski, transmeton Klan Kosova. 23 vjeçari nga Kranji e dëshmoi dominimin e tij pas fitores në Bischofshofen, e cila ishte e treta (pas asaj në Garmisch-Partenkirchen dhe Innsbruck), derisa në Oberstdorf ishte i treti. Në këtë turne gjermani Severin Freund ishte i dyti, kurse austriaku Michael Haybock i treti. Në radhitjen e përgjithshme për këtë vit, Prevc është i pari me 1139.4 pikë, i dyti Freund me 1112.9, kurse i treti Hayboeck me 1081.6. Prevc është slloveni i dytë që e fiton “Turneun e Vitit të Ri”, pas Primoz Peterkës në vitin 1997.   https://www.youtube.com/watch?v=AReCXGnZJpo