Smrekonica, burgu i lehtë për arrati (VIDEO)

Një i burgosur ka arritur të largohet nga burgu i Smrekonicës gjatë ditës së enjte. I njëjti u arratis nga atje me pretekstin se po del për të vrapuar në oborr, por nuk u kthye më në dhomë, ndonëse ishte i dënuar tre vjet burgim. Kësaj ikjeje i parapriu një tjetër i para një jave, nga i njëjti vend.  E kjo nuk është se i habiti shumë udhëheqësit e këtij burgu. "Mundësia e largimit në burgun e hapur është gjithmonë, por aty vendoset i burgosuri që mendohet se nuk ka me u largu", tha Xhevdet Maqastena. Megjithëse nuk konsiderohen si shumë të rrezikshëm meqë u arratisën nga një burg i llojit të hapur, po kërkohet që këto raste të merren më seriozisht derisa të burgosurve t’u vihen lidhëset elektronike në mënyrë që lokalizimi i tyre të jetë më i lehtë. https://www.youtube.com/watch?v=j3jk8jf87gw