Sociologu Krasniqi: Përzgjedhja e emrit për fëmijën në traditën shqiptare, sot ndryshon nga e kaluara (VIDEO)

Sociologu Artan Krasniqi e ka krahasuar trendin e së kaluarës me atë që praktikohet sot në kulturën shqiptare, për vendosjen e emrit të fëmijës.

"Nëse kthehemi në retrospektivë, në traditën dhe kulturën shqiptare ka pasë pak emra në qarkullim dhe pak opsione. Përveç kësaj, nuk ka qenë ndonjë çështje shumë e rëndësishme brenda familjes se si do të emërohet anëtari i ri i familjes, sidomos kur ka qenë çështje për vajzat. Për djemtë, janë bërë edhe ceremoni. Emrat në qarkullim kanë qenë më të paktë", ka thënë ai në emisionin "Familja ime". Tutje Krasniqi ka thënë që me rritjen e arsimit në Kosovë, janë futur emra të rinj dhe sipas tij, është parë nevoja për t'i rikthyer emrat ilirë dhe shqiptarë. "Është interesant që deri prej viteve të 60-ta e deri tek 90-ta e tutje, emrat e gjeneratave të caktuara projektohen prej nevojave që i ka shoqëria. Sot, është një trend tjetër, prej emrave të shkurtër dhe atraktivë që tingëllojnë bukur", ka thënë ai. Klikoni KËTU për t’u bërë pjesë e kanalit zyrtar të Klan Kosovës në Viber. Klikoni KËTU për ta shkarkuar aplikacionin e Klan Kosovës në Android, dhe KËTU për iOS. https://www.youtube.com/watch?v=dpU80gRMUOo