Sophie Turner padit Joe Jonas, kërkon që fëmijët e tyre të kthehen në Angli

Sophie Turner ka paditur Joe Jonasin për kthimin e dy fëmijëve të tyre të vegjël në Mbretërinë e Bashkuar. Dokumentet e gjykatës pretendojnë se këngëtari i grupit Jonas Brothers, i cili paraqiti kërkesën për divorc në fillim të këtij muaji, po refuzon të dorëzojë pasaportat e fëmijëve. Jonas, ndërkohë, i ka kërkuar Turnerit që të "rishqyrtojë pozicionin e saj të ashpër ligjor dhe të ecë përpara në një mënyrë më konstruktive dhe private". “Shqetësimi i tij i vetëm është mirëqenia e fëmijëve të tij”, tha përfaqësuesi i tij, raporton Skynews, transmeton Klan Kosova. Deklarata e tij dënoi gjithashtu përdorimin e gjuhës si "rrëmbimi" duke e quajtur atë "mashtruese në rastin më të mirë dhe një abuzim serioz të sistemit ligjor në rastin më të keq”. “Fëmijët nuk janë rrëmbyer”, thuhet në deklaratë. "Sophie po e bën këtë pretendim vetëm për të zhvendosur procedurat e divorcit në Mbretërinë e Bashkuar dhe për të larguar fëmijët nga ShBA-ja përgjithmonë".