Sot është Dita Ndërkombëtare e Kafesë, por a i dini të mirat e saj?

1 tetori është Dita Ndërkombëtare e Kafesë dhe si e tillë festohet në 77 shtete anëtare të Organizatës Ndërkombëtarë të Kafesë dhe nga dhjetëra shoqata të kafesë nga e gjithë bota. Çdo vit bota feston kafenë dhe vlerëson punën e miliona njerëzve të përfshirë në industrinë e kafesë, nga fermerët te pjekësit e deri tek ata që e shërbejnë atë. Kafeja është një nga pijet më të njohura në botë, ku miliona njerëz në mbarë botën e shijojnë atë në format e saj të shumta dhe e bëjnë këtë çdo ditë. Për herë të parë, Dita Ndërkombëtare e Kafesë u festua në vitin 2015. Organizata Ndërkombëtare e Kafesë vendosi t'ia kushtojë ditën të gjithë dashamirëve të kafesë në vitin 2014, por Dita e Kafesë u zyrtarizua në vitin 2015 në Milano. Megjithatë, vende të ndryshme festojnë ditët e tyre kombëtare të kafesë në data të ndryshme. Kafeja, përpos që është pija e preferuar për shumë njerëz, ka edhe shumë benefite shëndetësore. Pirja e dy deri në tre filxhanë kafeje në ditë është shoqëruar me rrezik më të ulët për t’u prekur nga sëmundjet e zemrës ose nga vdekja e hershme për çfarëdo arsye, sipas tre abstrakteve të hulumtimit. Në mesin e njerëzve pa diagnozë të sëmundjeve të zemrës, konsumimi i rregullt i një gjysmë filxhani kafeje deri në tre brenda ditës u shoqërua me ulje të rrezikut të vdekjes nga sëmundjet e zemrës, goditja në tru dhe vdekja e hershme nga çdo shkak, në krahasim me ata që nuk pinin kafe, përcjell Klankosova.tv. Më poshtë gjeni disa studime të bëra për benefitet e konsumit të kafesë.   https://klankosova.tv/te-pini-kafe-cdo-dite-eshte-mire-per-zemren-dhe-jetegjatesine-thote-studimi/ https://klankosova.tv/vlerat-magjike-ja-pse-duhet-te-konsumoni-tre-filxhane-kafe-ne-dite/ https://klankosova.tv/kafeja-mund-te-zvogeloje-rrezikun-e-vdekjes-nga-goditja-ne-tru-dhe-semundjet-e-zemres/ https://klankosova.tv/studiuesit-thone-se-pirja-e-rregullt-e-kafese-i-ben-mire-shendetit-1/