Sot mbahet gjysmëmaratona “Prishtina 2016”

Edhe sivjet sikur në 15 vitet e kaluara do të mbahet gjysmëmaratona “Prishtina 2016”. Tashmë organizatorët kanë përgatitur gjithçka që kjo ngjarje-ndër më të rëndësishmet në sportin tonë, të kalojë si është më së miri. Në këtë garë pritet që pjesë të marrin garues nga vende të ndryshme të botës, përveç garuesve vendorë. Shtegu do të jetë po ai që ka qenë edhe në vitet e kaluara, kurse gjatësia e garës është 21 km. Kjo ngjarje fillon në ora 10:00. Vendet e para të garës do të shpërblehen me nga 1200 euro, njofton Klan Kosova.