Ish-boksieri i njohur kosovar, Xhevdet Peci do të varroset sot në orën 16:30 në fshatin Zhazhë të Mitrovicës.
Poashtu, në përkujtim të tij do të bëhen edhe homazhe në Pallatin e Rinisë dhe Sporteve në Prishtinë, prej orës 9:00 deri në 12:00.
Sipas njoftimit, pas varrimit në ora 19:30, do të mbahet edhe mbledhje përkujtimore për Pecin në Qendrën e Kulturës në Mitrovicë, transmeton Klankosova.tv.
Xhevdet Peci ishte një nga boksierët më të mëdhenj që ka pasur Kosova.
Peci ishte shpallur pesë herë kampion i ish-Jugosllavisë me Prishtinën, nën urdhrat e trajnerit Lah Nimani, që po ashtu vjen nga Mitrovica.
●●●
VSHKRIMI NGA
V.R.
Editorial nga Klan Kosova — ndjek lajme dhe zhvillimet e tjera kryesore të vendit.
