Spanja e Franca kremtojnë "trashëgiminë artistike" të Pablo Picasso, 50 vjet pas vdekjes së tij

Spanja dhe Franca do të mbajnë më shumë se 40 ekspozita dhe ngjarje për të përkujtuar 50-vjetorin e vdekjes së Pablo Picassos. Në një konferencë të përbashkët për shtyp në Madrid, ministri spanjollë i kulturws dhe ai francez thanë se aktivitetet do të mbahen në 38 institucione kryesore në Evropë dhe ShBA nga tetori. "Synimi ynë, në fund, është të pretendojmë trashëgiminë artistike të Picasso-s dhe vlefshmërinë e punës së tij. Nëse ka një artist që përcakton shekullin e 20-të, kush e përfaqëson atë me gjithë mizorinë, dhunën, pasionin, teprimet dhe kontradiktat e tij, ky është padyshim Pablo Picasso”, tha ministri i Kulturës dhe Sportit i Spanjës, Miquel Iceta. “Do të na lejojë gjithashtu të përballemi me të nga një këndvështrim bashkëkohor, duke na ndihmuar të kuptojmë me sytë e sotëm një artist që është ende gjallë 50 vjet pas vdekjes së tij”, shtoi Iceta. Ministrja franceze e Kulturës Rima Abdul Malak tha se qëllimi i ngjarjeve është të prezantojnë dhe ndihmojnë në shpjegimin e mjeshtrit për audiencën më të re, shkruan AP, përcjell Klankosova.tv “Mos e fshehim fytyrën, sot ka shumë debate rreth pritjes së veprës së Picasso-s, veçanërisht nga marrëdhënia e tij me gratë. Për të udhëhequr brezat e rinj drejt artit të tij, duhet t'u japim atyre çelësat për të kuptuar veprën e tij, jetën e tij dhe hapin hapësira shkëmbimi për të përqafuar punën e tij në tërësi dhe për të treguar të gjitha aspektet, të gjitha leximet e mundshme të punës së tij”, tha Abdul Malak. Picasso lindi në Málaga në vitin 1881 dhe vdiq në Francë në vitin 1973.