Spanja shpall dhjetë ditë zie në nderim të të vdekurve nga koronavirus

Në tërë Spanjën në mesditë sot është mbajtur një minutë heshtjeje në nderim të atyre që kanë vdekur si pasojë e koronavirusit. Ky akt ka shënuar fillimin e dhjetë ditëve zie kombëtare. Në këtë periudhë flamujt do të valojnë në gjysmështizë në të gjitha institucionet qeveritare dhe ndërtesat publike. Së paku 27 mijë e 117 persona kanë ndërruar jetë në Spanjë deri tash si pasojë e Covid-19, sipas të dhënave të Ministrisë së Shëndetësisë.