Vetëm një operacion syri është kryer në Spitalin e Gjilanit, në 9 muajt e parë të këtij viti.
Dhe për këtë rast ka mjaftuar të angazhohet vetëm njëri oftalmolog, derisa tre të tjerë nuk e kanë pasur asnjë ndërhyrje kirurgjike gjatë kësaj periudhe.
Kështu thuhet në raportin e punës të këtij spitali për periudhën janar-shtator, një kopje të të cilit e ka siguruar KlanKosova.
Katër specialistë i ka edhe urologjia, njëri nga ta nuk e ka realizuar as edhe një operacion të vetëm përgjatë kësaj periudhe, të tjerët pasojnë me 8, 9 dhe 19 intervenime.
Diferencë e madhe e punës është edhe tek 6 specialistët e ORL-së, duke u nisur me minimumin prej vetëm një operacioni, dhe maksimumin e tjetrit prej 132 intervenimesh.
Dallime në punë kanë edhe pesë ortopedët e këtij institucioni dytësorë. Njëri ka vetëm 20 operacione të bëra, apo 37 operacione më pak se një koleg i veti, që ka 57 ndërhyrje.
Dallimi më i vogël në grup është te 8 kirurgët, derisa 7 nga ta kanë 60 deri në 71 operacione të kryera, me përjashtim të një kolegu që ka mbetur në vetëm 42 sosh.
Por, drejtori i këtij spitali, Arsim Emini, nuk ka pranuar ti komentojë të gjetura.
Kjo, derisa këtë të premte Kryeministri Albin Kurti paralajmëroi pagesë shtesë për mjekët në bazë të performancës dhe për ata që do të punojnë vetëm në sektorin publik, pos rritjes së pagave me ligjin e punës,
Aktualisht, mjekët specialistë pagën bazë bruto e kanë të njëjtë, 651 euro.
https://www.youtube.com/watch?v=Ks3osja-DXk
●●●
LISHKRIMI NGA
L I
Editorial nga Klan Kosova — ndjek video lajme dhe zhvillimet e tjera kryesore të vendit.
