Sportisti Azem Maksutaj i bashkohet Nismës

Kryetari i Nismës Socialdemokrate, Fatmir Limaj, ka mbajtur konferencë për medie në lidhje me aderimin e sportistit në kickbox, Azem Maksutaj. “Është ditë e veçantë për NISMA-n dhe gjithë qytetarët tanë sepse të rinjtë tanë po i kthehen vendit të tyre, NISMA është kthyer në një subjekt që po i fton qytetarët tanë në diasporë që po na japin suksese”. “Sot zyrtarisht po i dëshirojmë mirëseardhje kampionit botëror në kickboks, burrit të madh të këtij vend që nga tani do të jetë pjesë e NISMA-s, Azem Maksutaj, nipi i Dervish Shaqës”, tha Limaj. “Azemi edhe pse jashtë vendit të tij ka vendosur në funksion të rinisë sonë t’i bashkohet projektit të NISMA-s”, tha ai. Limaj tha se NISMA u ka bërë ftesë edhe sportistëve tjerë dhe bashkatdhetarëve në diasporë që t’i bashkohen projektit të tyre. “Thirrjes së NISMA-s si shumë deri më tani që i janë përgjigjur iu përgjigj edhe kampioni ynë Azem Maksutaj që t’i dëshirojmë mirëseardhje me gjithë miqtë tani do të jetë pjesë e pandashme e jona, një djalë që asnjëherë nuk heqi dorë nga flamuri, kombi dhe identiteti i tij”, tha Limaj. Sportisti, Azem Maksutaj, tha se po i bashkohet NISMA-s sepse i ka dhënë hapësirë më shumë dhe bashkë do të punojnë për rininë. “Ka ardhur koha që ne diaspora t’i ndihmojmë vendit, rinisë dhe t’i bashkëngjitmi Kosovës”, tha ai. “NISMA-n ndaj respektit, Limaj mendoj se mund të bëj ndryshim tonë për sportistët tanë që më ka dhënë respekt të madh”, tha Maksutaj./eo/