Policia në Ferizaj ka shqiptuar gjobë ndaj shoferit G.K., 23-vjeçar pasi po drejtonte automjetin të tipit Golf me shpejtësi prej 145 km/h në zonën ku kufizimi i lejuar është 50 km/h.
Për këtë kundërvajtje, policia bën të ditur se ndaj shoferit janë shqiptuar këto masa: Gjobë në vlerë prej 300 €, 3 pikë negative dhe masë mbrojtëse – ndalim i drejtimit të mjetit motorik për 3 muaj dhe shoferi është përjashtuar nga trafiku.
Rasti ka ndodhur rreth orës 01:27.
“Më datë 16.07.2025, rreth orës 01:27 njësia policore nga Njësia e Komunikacionit Rrugor në Ferizaj, në rrugën magjistrale Ferizaj-Kaçanik, në fshatin e Vjetër në Ferizaj, ka ndaluar një veturë me targa vendore për kundërvajtje trafiku”, thuhet në njoftim, raporton Klankosova.tv.
●●●
VRSHKRIMI NGA
Ve Ra
Editorial nga Klan Kosova — ndjek lajme dhe zhvillimet e tjera kryesore të vendit.
