Starmer për vizitën e tij në Tiranë: Po hapet kapitull i ri për lidhje më të fortë ndërmjet vendeve tona

Kryeministri britanik, Sir Keir Starmer thotë se është diçka madhore, vizita e tij në Tiranë. Pas takimit që kishin me kryeministrin Edi Rama, në konferencën e përbashkët, Starmer tha se vizita e tij shënon nisjen e kapitullit të ri në marrëdhënien mes dy vendeve, transmeton klankosova.tv. “Është diçka vërtetë madhore, sepse pasqyron lidhjen e fortë ndërmjet dy vendeve tona. Përgëzime, urime për fitoren madhore këtë javë, dhe në fakt është vërtetë gjë e madhe për të hapur atë që e shoh, kapitullin e radhës për lidhjen e fortë ndërmjet vendeve tona”, tha Starmer. Tutje, Starmer thotë se Shqipëria është vend kyç në NATO, dhe në luftën në Ukrainë.