Kryeministri i Britanisë së Madhe, Keir Starmer, ka thënë se është thellësisht i shqetësuar për një therje me thikë që ka ndodhur në një tren në Britani të Madhe, ku janë arrestuar dy persona dhe disa janë lënduar.
Në një postim në platformën X, Starmer theksoi se incidenti në fjalë ishte i tmerrshëm.
“Lutjet e mia janë me të gjithë ata që janë prekur, dhe falënderimet e mia shkojnë për shërbimet e emergjencës për reagimin e tyre.”
“Kushdo që ndodhet në zonë duhet të ndjekë këshillat e policisë,” ka thënë Starmer.
Policia Britanike e Transportit i është përgjigjur incidentit në një tren të LNER për në Huntingdon, Cambridgeshire.
Oficerë të armatosur shkuan në vendngjarje dhe dy burra u arrestuan. Më shumë se 30 oficerë u dërguan në vendngjarje. Nuk janë dhënë detaje se sa persona janë goditur me thikë, ose sa serioze janë lëndimet.
Një zëdhënës i Policisë së Cambridgeshire tha: “Dy burra janë arrestuar nga policia këtë mbrëmje pasi më shumë se 30 oficerë u thirrën në Stacionin e Trenit të Huntingdon, raporton BBC, transmeton Klankosova.tv.
https://klankosova.tv/disa-persona-goditen-me-thike-ne-nje-tren-ne-britani-te-madhe-dy-te-arrestuar/
●●●
LGSHKRIMI NGA
L. Ga.
Editorial nga Klan Kosova — ndjek lajme dhe zhvillimet e tjera kryesore të vendit.
