Studim: Ilaçi kontraceptiv për meshkuj testohet tek minjtë, tregohet premtues

Shkencëtarët thonë se gjetjet tregojnë mundësinë e një pilule kontraceptive, e cila mund të jetë një "ndryshues i lojës" për kontracepsionin. Një studim tregon se një ilaç kontraceptiv për meshkuj që redukton fertilitetin shpejt, është treguar premtues te minjtë. Sipas shkencëtarëve, kjo tregon që ilaçi mund të zvogëlojë lëvizjen e spermës, shkruan The Sun, transmeton Klankosova.tv. Bashkëautorët e studimit, Jochen Buck dhe Lonny Levin, nga Weill Cornell Medicine në New York, kanë thënë se ky ilaç mund të jetë vërtetë një "ndryshues i lojës" për kontracepsionin. Sipas rezultateve të studimit, efektiviteti i kontraceptivëve është 100 për qind në dy orët e para dhe 91 për qind për tre orë, ndërkaq pas 24 orëve ai do i jetë kthyer normalitetit. Nuk kishte ndikime negative shëndetësore kur barnat u administruan vazhdimisht për gjashtë javë. Shkencëtarët kanë bërë të ditur se nevojiten studime të mëtejshme, por sipas tyre, nëse provat klinike rezultojnë të suksesshme, shpresojnë që këto ilaçe që hyjnë në farmaci dhe së shpejti të shihen burrat teksa kërkojnë "pilulën mashkullore".