Studim: Pasiguria e punës te të moshuarit mund të rrisë rrezikun për humbjen e kujtesës

Njerëzit e shqetësuar për sigurinë e tyre të punës në moshën e mesme të vonë kanë më shumë gjasa të përjetojnë humbje të kujtesës ndërsa plaken, zbuloi një studim i publikuar të mërkurën. Pjesëmarrësit e studimit që raportuan "pasiguri në punë" në të 50-at dhe 60-at e tyre, performuan jo mirë në testet e krijuara për të vlerësuar kujtesën e tyre dhe kujtimin e fjalëve, krahasuar me bashkëmoshatarët që ndiheshin të sigurt në punësimin e tyre, treguan të dhënat, të cilat u publikuan të mërkurën nga JAMA Network Open. Pjesëmarrësit që raportuan se ndiheshin të pasigurt në punët e tyre, që do të thotë se kishin frikë se mos pushoheshin nga puna ose detyroheshin të dilnin në pension, kishin mesatarisht rreth 3 për qind rezultate më të ulëta në këto teste të kujtesës, thanë studiuesit. Përveç kësaj, ata kishin rreth 10 për qind më shumë gjasa për të qenë mbipeshë dhe rreth dy herë më shumë gjasa të kishin simptoma të depresionit, sipas studiuesve. Ata që raportonin pasiguri në punë kishin gjithashtu rreth 20 për qind më shumë gjasa të vuanin nga diabeti dhe sëmundjet e zemrës, thanë studiuesit, përcjell Klankosova.tv Megjithatë, studimet e mëparshme kanë sugjeruar se shtyrja e daljes në pension dhe vazhdimi i punës mund të ulë rrezikun e një personi për demencë. Për këtë studim, Kobayashi dhe kolegët e saj anketuan dhe vlerësuan rreth 10 mijë të rritur 55 vjeç e lart, që punojnë në Shtetet e Bashkuara dhe Angli. Pjesëmarrësit u pyetën për ndjenjat e tyre në lidhje me sigurinë e punës dhe u vlerësuan gjatë një periudhe 10-vjeçare duke përdorur teste të dizajnuara për të matur kujtesën dhe kujtimin e fjalëve, thanë studiuesit.