Studimi: Gjendet mikroplastikë edhe në testikujt e njeriut, ndikon në infertilitet

Përqendrime të konsiderueshme të mikroplastikës janë gjetur në testikujt e njeriut, duke ngritur kështu shqetësime se ato mund të ndikojnë në rënien globale të cilësisë së spermës. Siç shkruan Metro.uk, përcjell Klankosova.tv, studiuesit nga Universiteti i Neë Mexico analizuan indet e testikujve si nga njerëzit ashtu edhe nga qentë dhe zbuluan se çdo mostër përfshinte mikroplastikë. Në total, ata gjetën 12 lloje të ndryshme materialesh. Në të gjithë Evropën, Amerikën e Veriut, Australi dhe Zelandën e Re, numri i spermës po bie me rreth 1.5% në vit. Globalisht, rreth një në gjashtë njerëz kanë probleme me konceptimin. Udhëheqësi i ekipit, Profesor Xiaozhong ‘John’ Yu ka studiuar më parë efektet e metaleve të rënda, pesticideve dhe kimikateve që prishin sistemin endokrin në shëndetin riprodhues. Ai tha se filloi të eksploronte marrëdhëniet midis mikroplastikës dhe fertilitetit pas një bisede me kolegun e tij, profesor Matthew Campen. “A e keni menduar pse ka një rënie të tillë [në fertilitet] kohët e fundit? Duhet të ketë diçka të re”, tha profesori Yu. Nxjerrja e mikroplastikës filloi duke përdorur kimikate për të tretur yndyrën dhe proteinat në mostrat e indeve, të cilat më pas u rrotulluan në një ultracentrifugë, duke i lënë të gjitha mikroplastikët në një copëz në fund të tubit.