Studimi zbulon se cilat ushtrime zvogëlojnë rrezikun e dy shkaqeve kryesore të vdekjes

Një studim i botuar në British Journal of Sports Medicine zbuloi se 75 minuta aktivitet fizik i moderuar ul ndjeshëm rrezikun e llojeve të caktuara të kancerit ose sëmundjeve të zemrës, dy nga shkaqet kryesore të vdekjes në botë. Aktiviteti i moderuar karakterizohet nga një ritëm i zemrës që është 50 deri në 60 për qind më i lartë se kur jeni duke pushuar. Kjo do të thotë që ju mund të flisni gjatë kryerjes së aktivitetit, por jo të këndoni. Shembuj të aktivitetit fizik të moderuar janë ecja e shpejtë, çiklizmi, kërcimi dhe noti. Ky studim është më i madhi i bërë ndonjëherë në këtë temë. Ai bazohet në të dhëna nga 196 artikuj dhe të dhëna nga më shumë se 30 milionë pjesëmarrës nga gati njëqind grupe studimore, përcjell Index.hr, transmeton Klankosova.tv. Klinika Mayo pajtohet me gjetjet, duke deklaruar se aktiviteti fizik nuk duhet të jetë i komplikuar. Diçka aq e thjeshtë sa një ecje e shpejtë mund të na ndihmojë të jetojmë një jetë më të shëndetshme. Ky është një lajm i mirë për shumicën e njerëzve që e kanë të vështirë të ndajnë 30 minuta në ditë, pesë ditë në javë, për t'ia kushtuar stërvitjes.