Stuhia dimërore ua merr jetën shtatë njerëzve në ShBA

Një stuhi e rrezikshme dimërore ka përfshirë Shtetet e Bashkuara të Amerikës, duke lënë të shtatë të vdekur, derisa energjia elektrike është ndërprerë për qindra mijëra shtëpi. Shkollat ​​dhe rrugët në të gjithë vendin janë mbyllur dhe fluturimet janë anuluar, ndërsa kushtet "kërcënuese për jetën" shtrihen nga Teksasi në Anglinë e Re, sipas Shërbimit Kombëtar të Motit (NWS), raporton BBC, transmeton Klankosova.tv. Të paktën dy persona vdiqën nga hipotermia në Luiziana, dhe vdekje të tjera të lidhura me stuhinë janë raportuar në Teksas, Tenesi dhe Kansas. Deri të dielën pasdite, më shumë se 800 mijë familje kishin mbetur pa energji elektrike, sipas poweroutage.us. Ndërkohë, më shumë se 11 mijë fluturime u anuluan, raportoi FlightAware.