Subvencionet qeveritare, tremijë veta duan ndihmë nga Rashiqi (VIDEO)

Shtëpia ku jeton Adnan Krasniqi me 6 anëtarët e familjes ka nevojë për meremetim. Për këtë i riu nga komuniteti egjiptian që jeton në Fushë Kosovë bëri kërkesë dhe është optimist për subvencionim në Ministrinë për Komunitete e Kthim. Sikur ky, janë rreth 3 mijë qytetarë nga krejt komunitetet që dorëzuan kërkesat në këtë ministri, për të përfituar një nga 7 thirrjet. Interesimi për thirrjen, që mbyllet të hënën, ishte i madh, çka e befasoi edhe kreun e këtij dikasteri. Për këtë kategori, qeveria ka ndarë 2 milionë euro, që po vlerësohen si të pamjaftueshme. Vetë Rashiqi, vlerëson se kjo shumë do të përmbushë 15 për qind të aplikimeve, por pret nga Ministria e Financave që këtë shumë ta rrisë. Klikoni KËTU për t’u bërë pjesë e kanalit zyrtar të Klan Kosovës në Viber. Klikoni KËTU për ta shkarkuar aplikacionin e Klan Kosovës në Android, dhe KËTU për iOS. https://www.youtube.com/watch?v=4B2tH91wPBM