Sulm me dron rus në Donetsk të Ukrainës, vritet një person

Një person është vrarë në një sulm me dron rus në rajonin lindor të Donetskut, sipas shërbimeve të emergjencës së Ukrainës. Në njoftim u tha se shtatë dronë rusë kanë sulmuar fshatin Starovarvarivka, ku janë dëmtuar 17 shtëpi, raporton Sky News, transmeton Klankosova.tv. Punonjësit e emergjencës e gjetën viktimën nën rrënojat e njërës prej shtëpive, ndërsa një person tjetër u plagos. Kjo vjen pasi katër persona u vranë në sulmet ruse në Kharkiv mbrëmë.