Sulmohet Facebook, preken mbi 90 milionë përdorues

Facebook ka bërë të ditur ditën e premte se një sulm kibernetik në rrjetin kompjuterik të kompanisë ka bërë që të ekspozohen informacionet e afërsisht 50 milionë përdoruesve të saj. Kompania ka zbuluar problemin në fillim të kësaj jave, me ç’rast kanë zbuluar se sulmuesit kanë eksploatuar një pjesë të kodit të Facebook që u ka mundësuar të marrin përsipër llogaritë. Facebook ka rregulluar këtë dobësi dhe ka njoftuar zyrtarët ligjor. Më shumë se 90 milionë përdorues të Facebook u shkyçën nga llogaritë e tyre. Facebook ka deklaruar se nuk ka njohuri për origjinën apo identitetin e sulmuesve. Nga kjo kompani kanë bërë të ditur se është në fazat fillestare të hetimit.