Sulmohet hoxha, të dyshuarit thanë se e gjetën, plot gjak, në rrugë (VIDEO)

Imami i xhamisë në Lupçë të Poshtëm të Podujevës, Zeqir Berisha, është sulmuar të enjten mbrëma nga tre persona. Hoxha, fillimisht u dërgua në emergjencë në Podujevë, e më pas u përcoll në QKUK. Për gjendjen e tij, të premten nuk folën nga ky institucion, mirëpo lëndimet u tha se i ka të renda nga Bashkësia Islame në Podujevë. Policia tashmë ka pranguar tre persona. Që të tre vëllezër nga 24 deri 28 vjeç. E babai i tre djemve të arrestuar, ani se nuk foli para kamerës, tha se bijtë i kanë thënë se Hoxhën e gjetën të gjakosur në qosh të rrugës, ku njoftuan edhe policinë. Tek shtëpia e imamit, të premten Klani nuk e hasi askënd. Ndërsa, tre të arrestuarave i është caktuar masa e ndalesës për 48 orë. https://www.youtube.com/watch?v=ZI6DpzT8E6s&t=22s