Sulmohet një person në shtëpinë e tij në Zveçan, goditet me mjet të fortë në kokë

Në orët e para të mëngjesit të së martës është raportuar një rast i lëndimit të lehtë trupor në Zveçan.

Sipas policisë, një burrë ka pësuar lëndime trupore pasi dyshohet se disa persona të panjohur kanë hyrë brenda shtëpisë së tij dhe e kanë goditur në kokë me një mjet të fortë.

“Viktimës i është ofruar tretman mjekësor në ambulancën e qytetit, ndërsa në vendin e ngjarjes kanë dalë njësitet policore dhe janë duke hetuar rastin”, thekson policia në raportin 24-orës, transmeton Klankosova.tv.