Sulmoi dy zyrtarë policorë, prangoset një person në Vushtrri

Një person është arrestuar dje në Vushtrri, pasi dyshohet se ka sulmuar dy zyrtarë policorë. Sipas raportit 24-orësh të Policisë, rasti ka ndodhur në rrugën “Mbretëresha Teutë”, ku i dyshuari, i cili po udhëtonte me motoçikletë, nuk iu është ndalur urdhrave të policëve dhe më pas i ka goditur ata. Si pasojë e incidentit, dy zyrtarët kanë marrë trajtim mjekësor, ndërsa me vendim të prokurorit, i dyshuari është dërguar në mbajtje. /Klankosova.tv