Suma: Rritet fluksi i qytetarëve në pikën kufitare në Han të Elezit (VIDEO)

Sot nga orët e hershme të mëngjesit ka filluar qarkullimi i qytetarëve pa teste në Maqedoninë e Veriut dhe anasjelltas. Kryetari i Komunës së Hanit të Elezit, Rufki Suma, në një lidhje direkte në Edicionin Special në Klan Kosova, ka thënë se gjatë ditës së sotme është vërejtur një fluks i madh i qytetarëve që kanë kaluar nëpër pikën kufitare. “Sot nga orët e hershme të mëngjesit ka filluar qarkullimi i lirë në të dy anët e kufirit. Sot është vërejtur një fluks i madh nga dy anët e kufirit”. “Besoj se kanë qenë gjenerata të ndryshme për shkak se dihet që krejt Kosova kemi lidhje të ndryshme farefisnore”. “Kemi nxënës dhe studentë në të dy anët e kufirit që kanë nevojë t’i vizitojnë familjarët e tyre”. “Është e vërtete se bizneset përgjatë magjistrales përfitojnë sepse 90 për-qind e punës së tyre shtohet prej kalimtarëve”. https://www.youtube.com/watch?v=q-iD9COEL7U

klankosova.tv