Superheronjtë argëtojnë ferizajasit duke u lëshuar me litar (VIDEO)

Në qytetin e Ferizajt sot zbarkuan superheronjtë. Anëtarë nga Klubi Alpin "Prishtina", të veshur me kostume të figurave të dashura për fëmijë, u lëshuan me litar nga çatia e objektit të komunës. Kjo për disponimin e ferizajasve me rastin e festave të fundvitit, si kurbetçinjtë dhe fëmijët, raporton Klan Kosova. Edhe rrezet e diellit në mesditë i dhanë hijeshi aktivitetit që sivjet u zhvillua për herë të dytë. Mirënjohës për shfaqjen e të preferuarve të tyre ishin më të vegjlit. Ngjarja u mbyll me fotografi të shumta të më të vegjëlve me heronjtë e maskotat që po dhuronin shfaqje në oborrin e Komunës. /Klankosova.tv https://youtu.be/CNVneW3xMqU