Takimi i thirrur nga presidentja: Haradinaj shkon, Krasniqi e Abdixhiku jo (VIDEO)

Nga tre sa i thirri, veç një i shkoi në konak. Kreu i Aleancës për Ardhmërinë e Kosovës, Ramush Haradinaj, ishte i vetmi lider opozitar që iu përgjigj pozitivisht ftesës së presidentes, Vjosa Osmani, për diskutim rreth situatës në veri të shtetit. Mysafiri që edhe e kishte kërkuar takim ndërinstitucional, tha se nikoqires ia shprehu shqetësimet për, siç i quajti ai, ndëshkimet ndërkombëtare ndaj Kosovës, njofton Klan Kosova. Të parës së shtetit, Haradinaj thotë se i kërkoi të veprojë krahas mandatit të saj për deeskalimin e situatës në veri. Këtë që e lypi kreu i AAK-së, Partia Demokratike beson se presidentja se ka bërë deri tash. Kjo ishte edhe një nga arsyet e refuzimit të Memli Krasniqit të enjten. Derisa kreu i Lidhjes Demokratike, Lumir Abdixhiku, shefes së shtetit nuk i shkoi në zyrë por iu përgjigj vetëm me një letër, ku i kërkoi pozicionim kundër asaj, që e quajti popullizëm të kryeministrit në ballafaqimin me aleatët e shtetit. Rrini të informuar mbi zhvillimet kryesore duke u bërë pjesë e komunitetit tonë në Viber. BONUS: Merreni aplikacionin tonë në Android dhe iOS. https://www.youtube.com/watch?v=u8_HAs07RKQ