Të akuzuarit për sulmin në Banjskë nuk e pranojnë fajin

Të akuzuarit për sulmin në Banjskë të Zveçanit, Blagoje Spasojeviq, Vladimir Toliq dhe Dushan Maksimoviq, janë deklaruar sërish për sulmin e 24 shtatorit të vitit 2023. Siç raporton gazetarja e Klan Kosovës, Qëndresa Tërshani, Spasojeviq dhe Toliq nuk kanë folur për fajësinë, teksa Maksimoviq është deklaruar i pafajshëm për akuzën që i ngarkohet, transmeton Klankosova.tv. Megjithatë, sipas Tërshanit, për të tre gjykata ka konsideruar që nuk e kanë pranuar fajin. Spasojeviq, Toliq e Maksimoviq, përballen me akuza të rënda për përfshirje në ngjarjet e 24 shtatorit 2023 në fshatin Banjskë të komunës së Zveçanit, ku një sulm i armatosur ndaj Policisë së Kosovës çoi në vdekjen e rreshterit Afrim Bunjaku dhe plagosjen e disa pjesëtarëve të tjerë të policisë. https://klankosova.tv/nen-masa-te-rrepta-sigurie-sillen-para-gjykates-te-akuzuarit-per-rastin-banjska/