Të enjten betohen tre kryetarët e komunave veriore (VIDEO)

Të martën e pati ditën më të ngarkuar të muajit. Megjithatë, Izmir Zeqiri u kthye në shtëpi me një gajle më pak. Arriti ta konfirmojë që zyrtarisht do të betohet si kryetar i Zubin Potokut, të enjten e 25 majit - ndonëse jo në vendin dhe orën që deshi, njofton KlanKosova. Ani se tash janë të një goje, më parë nga Partia Demokratike e Kosovës u ankuan se Ministria e Pushtetit Lokal po i neglizhon dy kryetarët e tyre, Zubin Potokut e Zveçanit. Kjo sipas tyre edhe i detyroi që seanca për betim të thirret nga asambleistet më të vjetër, pasi kaluan afatet ligjore për propozimet e tyre. Në kërkesën e re u përfillën sugjerimet i MAP-së që ceremonia e betimit të mos mbahet në asnjërën ndërtesë të komunës. Kolegët e Zeqirit, nuk deshtën të flasin për televizionin para se të betohen. Megjithatë konfirmuan që të enjten pritet të bëhen zyrtarisht prirës komunal. Ilir Peci si Kryetar i Zveçanit do të betohet në zyrën komunale në Boletin, e Lulzim Hetemi në Bistricë nga ora 13:00. Klikoni KËTU për t’u bërë pjesë e kanalit zyrtar të Klan Kosovës në Viber. Klikoni KËTU për ta shkarkuar aplikacionin e Klan Kosovës në Android, dhe KËTU për iOS https://www.youtube.com/watch?v=iw_Dc6h8izo