Të shtëna me armë në një universitet në ShBA, një person i vrarë dhe gjashtë të plagosur

Të paktën një person u vra dhe gjashtë të tjerë u plagosën në një sulm me armë në Universitetin Lincoln në Pensilvani mbrëmjen e djeshme, gjatë një festimi për kthimin në shtëpi për ish-studentët, konfirmuan zyrtarët. Siç raporton CNN, transmeton Klankosova.tv, të shtënat ndodhën pranë Qendrës Ndërkombëtare Kulturore në kampus, ku po mbahej një festë pas ndeshjes së futbollit të pasdites. Në total, shtatë persona u qëlluan. “Kjo festë u ndërpre dhe u shkatërrua nga të shtënat me armë zjarri. Ishte një skenë kaotike dhe njerëzit po vraponin në të gjitha drejtimet”, tha Prokurori i Qarkut të Chester, Christopher de Barrena-Sarobe, në një konferencë për shtyp herët këtë mëngjes. Ai shtoi se disa persona të tjerë u plagosën pasi u rrëzuan dhe u shtypën nga turma e njerëzve, ndërsa njerëzit u panikuan për t’u strehuar. Hetimet lidhur me rastin po vazhdojnë. /Klankosova.tv