Të shtëna me armë tek stacioni i autobusëve në Prizren

Rreth orës 13:54 minuta, në rrugën “De Rada” , në afërsi të Stacionit të Autobusëve në Prizren ka pasur të  të shtëna armësh. Sipas policisë, në këtë rast nuk është lënduar askush. " Me ta vërejtur ngjarjen qytetarë të shumtë kanë thirre policinë duke e ndihmuar me informacione për personin e armatosur i cili shumë shpejtë është arrestuar dhe i është sekuestruar arma me dy fishekë në karikator" " Sipas informatave të para, thuhet se cak i kësaj ngjarje dyshohet të jetë një qytetar i cili në këto momente po merret në pyetje nga hetues të Stacionit policor në Prizren për të mësuar më shumë rreth rastit. Për tani mund të themi se i dyshuari dhe viktima njihen në mes vete", bën të ditur policia, transmeton Klan Kosova.