Të shtënat me armë në Prishtinë, Policia aktivizohet për kapjen e të dyshuarve

Mbrëmjen e së mërkurës pati gjuajte me armë zjarri në rrugën “Zija Shemsiu” në Prishtinë, afër shkollës “Hasan Prishtina”. Rastin për Klankosova.tv e konfirmoi sot zëdhënësja e Prokurorisë Themelore, Kaltrina Shala. Ajo tha se Prokurori i Shtetit ka autorizuar Policinë e Kosovës për mbledhjen dhe grumbullimin e informacioneve. “Ju njoftojmë se dje ka pasur të shtëna me armë, Prokurori i Shtetit ka autorizuar Policinë e Kosovës për mbledhjen dhe grumbullimin e informacioneve për rastin në fjalë”, tha Shala. Mbrëmë, Klankosova.tv raportoi ekskluzivisht lidhur me rastin.