Teatri Kombëtar i Kosovës është akoma në renovim, mirëpo do të rifillojë punën së shpejti në hapësira alternative deri sa të përfundoj procesi i renovimit.
Kjo është bërë e ditur në faqen zyrtare të teatrit, ku thuhet se një prej këtyre hapësirave është edhe Amfiteatri në Pallatin e Rinisë në Prishtinë.
Shfaqja e re e cila do të punohet në Teatrin Kombëtar është e bazuar në komedinë “Pas vdekjes” e Çajupit, përcjell Klankosova.tv.
"Një prej këtyre hapësirave është edhe Amfiteatri në Pallatin e Rinisë në Prishtinë, në të cilin sot u takua ekipi i i shfaqjes së re që do të punohet në TKK e bazuar në komedinë “Pas vdekjes” e A.Z. Çajupi me regji të Fatos Berishës! TKK është e lumtur që me këtë projekt po ri-kthehet pas 16 vitesh në skenen tonë, aktori Armond Morina! Premiera e shfaqjes do të jetë së shpejti, sapo të përfundohen adaptimet e nevojshme të kësaj hapësire", thuhet në njoftim.
●●●
GSHKRIMI NGA
G.U
Editorial nga Klan Kosova — ndjek kulturë dhe zhvillimet e tjera kryesore të vendit.
